Kirkjan gengur lengst í forræðishyggju

Sá aðili hérlendis sem lengi hefur gengið lengst í forræðishyggju er þjóðkirkjan sjálf. Þar viðgengst sú ósvinna að ómálga börn eru skömmu eftir fæðingu skráð sem meðlimir þjóðkirkjunnar og alast upp við það gerræði. Svo eru þau skírð og fermd og venjast þessu fyrirkomulagi. Sumir ranka við sér á fullorðinsárum og segja sig úr stofnuninni en langflestir láta sig hafa það að hanga inni. Það ætti að varða við lög að skrá börn í þjóðkirkjuna. Þess í stað ætti að gefa fólki kost á því eftir 18 ára aldur þegar sjálfræði er náð. Það væri reyndar fróðlegt að vita hversu margir myndu verða eftir í þjóðkirkjunni ef þessari sjálfsögðu lýðræðislegu aðferð yrði leyft að njóta sín.

Svo biskupi Íslands ferst illa að saka aðra um forræðishyggju. Sjálfur gengur hann á undan með slæmu fordæmi.

Ganga langt í forræðishyggju